Argraffu 3D
Argraffu 3D
Yn Tenet, rydym yn gweithredu labordy pwrpasol gweithgynhyrchu haen-ar-haen sy'n cefnogi'r sectorau niwclear ac ynni gyda datrysiadau cyflym, manwl-gywir a chost-effeithiol.
Mae ein cyfleuster yn cynnwys nifer o argraffwyr aml-ddeunydd, fformat-mawr o’r radd flaenaf gyda chyfeintiau adeiladu hyd at 320 × 320 × 400 mm.
Yn rhedeg 24/7, mae’r systemau hyn yn darparu cydrannau tra-chywir (manwl-gywirdeb ±0.02 mm) ac yn ei gwneud hi’n bosib cynhyrchu rhannau un-darn sylweddol neu gydosodiadau adrannol yn gyflym, gan sicrhau bod prosiectau hollbwysig yn cael eu cwblhau’n brydlon.
Deunyddiau: Gallwn argraffu gydag ystod eang o bolymerau uwch, gan gynnwys (ond heb fod yn gyfyngedig i): PLA, PETG, ABS, ASA, PA (Nylon), PC (Polycarbonad), TPU (hyblyg), a CFRP (deunyddiau cyfansawdd wedi’u cyfnerthu â ffeibr carbon), yn ogystal â metel, a deunyddiau wedi’u cyfnerthu â ffeibr gwydr i sicrhau lefel uwch o gryfder a gwrthiant tymheredd. (Deunyddiau a phrosesau ychwanegol ar gael wrth i ni barhau i ddatblygu ein gallu).
Gwasanaethau Argraffu 3D
Uchafbwyntiau Technegol:
- Manwl-gywirdeb: ±0.02 mm gyda chydraniad haenau i lawr i 0.1 mm
- Trwybwn: gweithredu 24/7 er mwyn cyflawni’n gyflym.
- Llif gwaith: Piblinell sganio-i-argraffu lawn er mwyn atgynhyrchu rhannau ffisegol yn ddigidol ac integreiddio CAD yn esmwyth.
- Cyfaint Adeiladu Mawr: Cydrannau ar gael hyd at 320 × 320 × 400 mm gyda’r gallu i argraffu 360mm ciwbiedig.
Prototeipio
Mae gweithgynhyrchu haen-ar-haen yn ein galluogi i gywasgu’r cylch dylunio, gan ddarparu ailadroddiadau cyflym, cost-isel sy’n arbed amser ac arian. Mae’r dull hwn yn:
- Lleihau’r cyfnod dylunio-i-gynhyrchu
- Lleihau ail-wneud a gwastraff
- Gwella ansawdd ac yn cyflawni datrysiadau cywir y tro cyntaf
Arddangosiad Model wrth Raddfa
Mae ein modelau wrth raddfa yn adnoddau grymus ar gyfer cyfathrebu a chynllunio. Maent yn:
- Helpu i esbonio systemau cymhleth i randdeiliaid annhechnegol
- Cefnogi gosodiad, cyfluniad ac adolygiadau HAZOP
- Cynnig cymorth o ran delweddu a hyfforddiant
- Helpu i gynllunio a chyfathrebu gweithdrefnau gosod neu gynnal a chadw
Sganio-i-argraffu
Gan ddefnyddio sganio 3D, gallwn:
- Atgynhyrchu cydrannau darfodedig neu unigryw sydd â geometreg gymhleth
- Cyflawni manwl-gywirdeb ailadroddadwy hyd at ±0.02 mm
- Darparu rhannau yn gyflymach na llwybrau gweithgynhyrchu traddodiadol
- Leihau amser di-fynd a chynnal seilwaith hanfodol
