Technolegau arloesol yn hybu effeithlonrwydd yn y maes cyfoethogi niwclear
Rydym yn canolbwyntio ar integreiddio technolegau ynni adnewyddadwy i’n datrysiadau peirianneg, gan gyfrannu at y broses o symud tuag at ddyfodol carbon isel. Mae ein harbenigedd mewn ynni adnewyddadwy yn cwmpasu solar, gwynt a storio ynni. Mae ein technoleg ffabrigo tanwydd niwclear yn canolbwyntio ar gynhyrchu cydrannau tanwydd niwclear safon uchel ar gyfer adweithyddion, gan sicrhau perfformiad, diogelwch ac effeithlonrwydd. Trwy ddefnyddio technolegau o’r radd flaenaf, ein bwriad yw gwella’r broses o ffabrigo tanwydd, gan ei gwneud hi’n bosib cynhyrchu cydosodiadau tanwydd mwy diogel a mwy effeithlon ar gyfer cynhyrchu pŵer, amddiffyn ac adweithyddion ymchwil.
Mae Tenet yn parhau’n ymroddedig i ddatblygu’r technolegau a ddefnyddir mewn cynhyrchu tanwydd niwclear. O uwch brofi deunyddiau i’r diweddaraf mewn dylunio cydosodiad tanwydd, rydym yn cyfuno datrysiadau arloesol er mwyn sicrhau bod ein cynhyrchion tanwydd yn diwallu safonau uchaf diogelwch ac effeithlonrwydd y diwydiant.
Arbenigedd rhagorol mewn prosesau a systemau cyfoethogi niwclear
Mae ein tîm o beirianwyr a dylunwyr yn meddu ar ddegawdau o brofiad arbenigol o systemau cyfoethogi niwclear. Rydym yn deall cymhlethdodau’r broses gyfoethogi ac yn darparu gwybodaeth dechnolegol fanwl er mwyn dylunio, optimeiddio a gweithredu systemau sy’n bodloni’r safonau diwydiant uchaf.
Mae ein harbenigedd yn cwmpasu amrywiaeth eang o dechnolegau cyfoethogi ac amgylcheddau gweithredol. Rydym yn gweithio’n agos â chleientiaid i sicrhau bod pob datrysiad a ddarparwn yn dechnegol gywir ac yn cydymffurfio â gofynion rheoliadol, gan gynnal y safonau uchaf o ran diogelwch a pherfformiad.
Hanes o gyflawni prosiectau cyfoethogi niwclear llwyddiannus
Gyda blynyddoedd o brofiad yn y sector niwclear, mae Tenet wedi cyfrannu’n llwyddiannus at sawl prosiect cyfoethogi niwclear, o ddyluniad dechreuol i weithredu a chynnal. Rydym wedi cyfranogi mewn amryw o sectorau, gan gynnwys cynhyrchu pŵer, cynhyrchu isotopau meddygol ac amddiffyn niwclear, gan roi inni bersbectif eang ar anghenion unigryw pob un o’r diwydiannau.
Mae profiad ymarferol ein tîm o weithredu prosiectau sy’n cael effaith sylweddol yn sicrhau ein bod yn deall natur gymhleth cyfoethogi niwclear. Rydym yn cymhwyso ein gwybodaeth dechnegol i ddatrys heriau’r byd go iawn, gan gyflawni canlyniadau sy’n effeithlon, yn ddiogel, ac yn cydymffurfio â’r safonau diwydiant mwyaf llym.
Gorsaf brosesu enfawr yn Sellafield
