Gwybodaeth am y cynllun Mae ein Cynllun Prentisiaeth Radd wedi’i Achredu gan IET wedi’i ddylunio i feithrin y genhedlaeth nesaf o beirianwyr
Enillwch brofiad ymarferol wrth ymgymryd ag addysg ffurfiol a rhowch hwb i’ch gyrfa beirianneg
Mae ein prentisiaeth radd yn cynnig llwybr i ddod yn weithiwr proffesiynol medrus, lle byddwch yn ennill hyfforddiant amhrisiadwy wrth weithio, ynghyd â’ch cymwysterau academaidd.
Mae’r rhaglen wedi’i threfnu i gynnig gwybodaeth ddamcaniaethol a phrofiad ymarferol, gan sicrhau bod prentisiaid yn llwyr barod am heriau’r sectorau niwclear a pheirianneg.
Wrth i brentisiaid ddatblygu, cânt y cyfle i weithio ar brosiectau amrywiol ac meithrin amrywiaeth eang o sgiliau. Mae’r gymysgedd o ddatblygiad gyrfa a hyfforddiant yn gosod ein prentisiaid ar y trywydd i ddod yn arweinwyr yn eu meysydd.
Mae ein prentisiaethau’n bum mlynedd o hyd, gan eich arwain drwy bob cam o’ch taith i ddod yn beiriannydd cymwys.
Mae ein prentisiaeth wedi’i hachredu gan IET yn cynnig amserlen glir ac iddi strwythur, gan ddatblygu o sgiliau sylfaenol i gymwysiadau peirianneg mwy datblygedig. Dros bum mlynedd, bydd prentisiaid yn ennill eu HNC, HND a Phrentisiaeth Peirianneg Niwclear Lefel 6, yn ogystal â BEng yn eu maes dewisol, gan eu rhoi mewn sefyllfa ar gyfer gyrfa lwyddiannus yn y diwydiant niwclear. Mae ein tîm ymroddedig yn sicrhau bod gan brentisiaid bopeth sydd ei angen arnynt i lwyddo.
Rydym yn darparu cymorth parhaus drwy gydol y daith brentisiaeth, ac nid yw’n dod i ben ar ôl i’n prentisiaid gyflawni eu BEng; rydym yn cynnig cyfleoedd rheolaidd i ddysgu a datblygu wrth iddyn nhw ddatblygu yn eu gyrfaoedd, trwy gynnig drws agored i amrywiaeth eang o brosiectau a chyrsiau hyfforddiant.
Mae ceisiadau ar gyfer ein Cynllun Prentisiaethau 2026 bellach yn agor!
Os ydych yn gyfathrebwr clir gyda sgiliau mathemateg cryf a pharodrwydd go iawn am beirianneg, gallai hwn fod eich cam mawr nesaf!
Bydd angen o leiaf gradd 5 mewn Mathemateg, Saesneg a Gwyddoniaeth yn y TGAU, ac mae’n rhaid bod ar y trywydd iawn i ennill (neu wedi ennill) gradd B neu Rhagoriaeth mewn pwnc perthnasol yn y coleg. Mae ein prentisiaeth yn heriol ac yn werth chweil – yn cyfuno profiad ymarferol gyda hyfforddiant manwl i’ch helpu i ddatblygu’r sgiliau a’r hyder i ffynnu fel peiriannydd.
Ein cynlluniau prentisiaethau:
Prentisiaeth Lloegr – wedi’i lleoli yn ein swyddfa yn Warrington. Gweld disgrifiad y swydd
Prentisiaeth Cymru – wedi’i lleoli yn ein swyddfa ar Ynys Môn. Gweld disgrifiad y swydd
Bywyd prentis
Profwch daith brysur a foddhaol wrth i chi ddatblygu o fyfyriwr i beiriannydd medrus.