Hafan

Dyluniad mecanyddol

Mae ein gwasanaethau dylunio mecanyddol yn darparu datrysiadau dibynadwy ac arloesol i heriau peirianneg cymhleth.

Mae ein peirianwyr dylunio mecanyddol yn fedrus iawn wrth ddarparu datrysiadau o’r dechrau i’r diwedd sy’n ymdrin â phopeth o ddatblygu cysyniad i ddylunio manwl, profi, a gweithredu. Rydym yn cydweithredu â’n cleientiaid i ddeall eu gofynion unigryw ac i ddarparu datrysiadau wedi’u teilwra. Mae ein dyluniadau’n canolbwyntio ar ddiogelwch ac optimeiddio perfformiad wrth fodloni safonau llym y diwydiant.
Rydym yn rhoi pwyslais cryf ar gynaliadwyedd a diogelwch ym mhob un o’n prosiectau, gan sicrhau bod ein dyluniadau mecanyddol yn cyfrannu at ddiogelwch a llwyddiant hirdymor gweithrediadau ein cleientiaid. Drwy integreiddio’r dechnoleg ddiweddaraf, cynnal profion manwl, a gweithio ar draws amryw o ddisgyblaethau peirianneg, rydym yn cynnig datrysiadau sy’n ddibynadwy, yn effeithlon, ac yn cael eu datblygu i barhau.

Gwasanaethau peirianneg a dylunio mecanyddol

Mae ein tîm dylunio mecanyddol yn darparu datrysiadau diogel, arloesol, a dibynadwy i heriau peirianneg cymhleth y diwydiannau hynod reoledig.

Dylunio Cyfarpar a Gorsafoedd Alffa

Mae gan Tenet Consultants hanes llwyddiannus o ddylunio cyfarpar pwrpasol i orsafoedd alffa, fel blychau menyg, cyfarpar mewnol blwch menyg, systemau ynysu, cyfarpar codi a chario mecanyddol, trefniadau cludo deunyddiau alffa a systemau CCTV o bell. Caiff dyluniadau eu cynhyrchu gan ystyried safonau’r diwydiant a’r cleient.

Dylunio Cyfarpar a Gorsafoedd Beta/Gama

Mae gan beirianwyr Tenet brofiad helaeth o ddylunio cyfarpar pwrpasol i orsafoedd beta/gama, gan gynnwys drysau amddiffyn, a chyfarpar codi a chario mecanyddol fel bogis, datrysiadau amddiffyn, fflasgiau cludo a chyfarpar codi a chario o bell. Caiff dyluniadau eu cynhyrchu gan ystyried safonau’r diwydiant a’r cleient.

Dylunio Gwaith Pibellau

Mae peirianwyr peipio arbenigol Tenet yn hynod arbenigol wrth ddylunio a chadarnhau ac mewn dadansoddiadau straen, profion, gosod a chomisiynu dyluniadau peipio pwrpasol i amgylcheddau confensiynol a niwclear. Mae ein peirianwyr yn fedrus wrth weithio at fanylebau peipio cleientiaid ar brosiectau, gan wneud defnydd o’r ystod lawn o ddatrysiadau tiwbio a pheipio; o diwbio â thryfesur bach tymheredd isel i waith peipio â thryfesur mawr tymheredd uchel.

Cymorth, Profi a Chomisiynu Gweithgynhyrchu

Mae gan ein peirianwyr brofiad helaeth ac amrywiol o gynorthwyo prosiectau ar ôl cwblhau gweithgareddau dylunio. Mae ein cleientiaid yn ymddiried ynom i ymateb i ymholiadau technegol yn ystod gweithgynhyrchu, rydym yn cynllunio ac ymgymryd â gweithgareddau Profi Derbyniad Ffatri ac yn cynnig cymorth i weithgareddau comisiynu. Mae gan ein peirianwyr brofiad o gynhyrchu a gweithredu cynlluniau dylunio yn ystod y camau hyn o brosiect pan mae darparu datrysiad sy’n gweithio yn aml yn weithgaredd sy’n hanfodol o ran amser.

Adolygu Dyluniad Peirianneg a Gwasanaethau Cadarnhau

Mae peirianwyr profiadol Tenet yn darparu gwasanaeth adolygu annibynnol gwerthfawr i’n cleientiaid, gan gynnig sicrwydd bod dyluniad cleient yn ddiogel, yn gyfreithiol, yn bodloni gofynion ac yn addas i’w ddiben. Mae gan ein peirianwyr y gallu i ganfod diffygion mewn dyluniadau sydd eisoes yn bodoli, cynhyrchu cynlluniau i lenwi unrhyw fylchau, a sicrhau a phrofi bod datrysiadau dylunio yn cydymffurfio â holl ofynion prosiect.

Cipio Gofynion

Mae Tenet yn fedrus wrth gipio gofynion rhanddeiliaid ac eraill i broblemau dylunio, drwy adolygiadau llenyddiaeth, ymgysylltu â rhanddeiliaid a phrofiad blaenorol. Mae gan ein peirianwyr arbenigedd mewn cynhyrchu manylebau gofynion gweithredol a thechnegol er mwyn cipio gofynion prosiect.